كنافة بالمانغاالخميس أكتوبر 08, 2015 7:20 pm من طرفfatenملف شامل ومتكامل لجميع انواع البسبوسةالخميس أكتوبر 08, 2015 4:48 pm من طرفfatenبسبوسة بلا بيضالأربعاء سبتمبر 09, 2015 6:37 am من طرفfatenتشيز البسبوسةالأربعاء سبتمبر 09, 2015 6:35 am من طرفfatenبسبوسة بلا قطرالأربعاء سبتمبر 09, 2015 6:31 am من طرفfatenبسبوسة بالقشطة منقوولة الأربعاء سبتمبر 09, 2015 6:28 am من طرفfatenبسبوسة بالمهلبيةالأربعاء سبتمبر 09, 2015 6:27 am من طرفfatenالنمورة اللبنانيةالأربعاء سبتمبر 09, 2015 6:26 am من طرفfatenالهريسة الحلبية عاصولها الأربعاء سبتمبر 09, 2015 6:26 am من طرفfatenحلى المانجوالأربعاء أبريل 22, 2015 6:25 am من طرفfaten



الرئيسيةمكتبة الصورس .و .جبحـثالأعضاءالمجموعاتالتسجيلدخول


منتديات ولا بالاحلام :: المعجنات :: المخبوزات

كاتب الموضوع faten مشاهدة صفحة طباعة الموضوع  | أرسل هذا الموضوع إلى صديق  |  الاشتراك انشر الموضوع
شاطر
 المشاركة رقم: #
تم النشر فى :05 - 09 - 2013
faten
admin
admin
تواصل معى
http://www.fatendishes.net
إحصائية العضو

عدد المساهمات : 6130
نقاط : 17408
السٌّمعَة : 0
تاريخ التسجيل : 21/09/2010
العمر : 33
defaultموضوع: معروك الدبس والسمسم
معروك الدبس والسمسم

لما كنا صغار , كانت ماما تحب تشوف حارة بيت جدها ببنقوسا بعجقة الافطار , لهيك كان بابا الله يرحمه ياخدنا كم مرة بايامات رمضان قبل الافطار و يدورنا بحارات حلب العتيقة , تكون الدني زحمة كتير و الناس عم تشتري معروك و تمر هندي و سوس و لقم و مشبك , كنت مد راسي من شباك السيارة و اتفرج , مرات لما نعلق بالزحمة و نتاخر ع الفطور كنت قول لحالي انو شو هل الذكريات المهمة الي اخرنا مشانها الفطور , هلا لما كبرت , عرفت اديه الذكريات مهمة للي شايلها براسه و ما بطيب منها , هي متل سلاح سري منستخدمه كل ما نكون مخنوقيين من هل الدني لحتى نعيد ماضي صار بعيد كتير و حباب كانوا فيه منوريين حياتنا , و كنا بوقتها مفكريين انو هنن متل الشمس و القمر , اشيا بتطلع كل يوم و وجودهن في حياتنا مفروغ منه , بهل الدقيقة عندي حنين لبابا الله يرحمه و لحارات حلب العتيقة تكون مليانة حياة و للبنت الصغيرة الي كنتها …


هل المعروكة منسميها عنا في البيت معروكة بنقوسا , كنا دوما نجيبها من هونيك . انا بيني و بين حالي كنت سميها معروكة الختايرة , و كمان ما كنت دوقها , كان يخطرلي انو دبس و سمسم و اشيا عم تشر , ما بدي منها .. بس من كم سنة لما دقتها اول مرة عرفت اديه كنت غلطانة , و هل المعروكة صح بسيطة بس فخاامة ع الاخر , و هلا كل ما كون محضرتها و يقولولي الاولاد انو ماما بدنا معروك شوكولا أطيب , بطلع فيهن و بقلهن اااايه يا قطاطي , الدرج الي انتو هلا عم تطلعوا عليه انا هلا عم انزل منه .


كتير طريقتها سهلة , كل المقادير مع بعض لحتى تصير العجينة ناعمة و دبقة شوي , و هل العجينة لازم تكون عم تلزق شي بسيط بالايد , لحتى تطلع طرية و غير شكل بعد الخبز . و كمان هي شكلها و طعمتها غير المعروك العادي , لان هي رقيقة نوعاً ما و مغرقة بالدبس و السمسم ع الوج … لازم تجربيها


بالصحة و الهنا

3 كوب طحين
نصف كوب سكر عادي
ملعقة صغيرة خميرة حبيبات
ربع ملعقة صغيرة محلب مطحون
رشة ملح
2 ملعقة كبيرة زبدة بحرارة الغرفة
ربع كوب زيت
1 كوب و ربع حليب دافئ

للوجه :

دبس عنب سائل
سمسم أبيض





1 - يوضع الطحين و السكر و الخميرة و المحلب و الملح في وعاء كبير .
2 - يضاف الزيت و الزبدة و كوب من الحليب السائل الدافئ و تعجن المقادير سوياً لمدة 10 دقائق حتى تتشكل عجينة طرية و دبقة نوعاً . يضاف المزيد من الحليب حتى تصبح العجينة طرية جداً .

3 - توضع العجينة في وعاء كبير , تغطى بشكل محكم بورق نايلون لاصق .

4 - تترك العجينة في مكان دافئ حتى يتضاعف حجمها .

5 – تغطى صينيتا فرن بورق الزبدة . يحمى الفرن على درجة حرارة 180 درجة مئوية . يثبت شبك الفرن على الرف المتوسط .
6 ـ تقطع العجينة المتخمرة الي قسمين . ترش منضدة العمل بالقليل من الطحين و يبسط أول قسم من العجين باليد قليلاً للحصول على شكل بيضاوي .

7 - يرق بالشوبك حتى يصبح لدينا قرص بيضاوي متطاول و رقيق .

8 - ينقل القرص إلى الصينية المجهزة و يعدل الشكل مر أخرى , تكرر العملية مع القسم الأخر .

9 – يدهن وجه المعروك بالدبس . إذا كانت نوعية الدبس المتوفرة لديك كثيفة نوعاً ما يمكن تذويبه بالقليل من الماء الساخن حتى يصبح مزيج قابل للمد .

10 – يرش السمسم على الوجه بكمية وفيرة , يخبز المعروك لمدة 10 – 15 دقيقة أو حتى يشقر أسفل المعروك .

11- تخرج الصواني من الفرن و ترفع المعروكات من الصواني , يدهن وجه المعروك بالدبس مرة ثانية , يقدم المعروك مع كوب من الشاي و مكعبات الجبنة أو يقدم لوحده للاستمتاع بطعم الدبس و السمسم .



الموضوع الأصلي : معروك الدبس والسمسم // المصدر : منتديات ولا بالاحلام // الكاتب: faten

اعلانات




مواضيع ذات صلة


تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة