سينابون الشيف حسن بس على طرقتي الخاصة خياااال

اولاً::لازم الرخامة اللي هنشتغل عليها تكون باردة


ثانياً:: المطبخ مايكون حر



ثالثاً::الزبدة المستخدمة في العجن او الحشو تكون بدرجة حرارة المطبخ
(ديه بأه سبتها في المطبخ علشان تاخد درجة حرارته)



مقادير العجين::


1كيلو دقيق مخبوزات



ملعقة كبيرة خميرة فورية جافة-20 جم




ملعقة صغيرة محسن خبز-5 جم(اختياري)



1/4 كوب سكر بودرة-50 جرام



1/3 كوب سكر بني- 70 جرام



1/3 كوب حليب بودرة – 70 جرام



3/4 كوب زبدة-150 جرام


2  كوب ماء -400جرام (ممكن ما نحتاج الماء كلو حسب نوع الطحين)



2 بيض – 100 جرام


الطريقة::



نحط النواشف كلها في الكيتشن ماشين و نلفها شوي علشان تختلط و تتماسك



و بعدين نحط الزبدة بدرجة حرارة الغرفة(طرية) قطعة قطعة لحد ما تخلص الكمية و تتجانس مع باقي المقادير



و نحط البيض واحدة واحدة(بيضه بيضة)لحد برضه ما يختفي و يتجانس مع العجين



و اخيرا نحط الماية شوية شوية لحد ما تنلف العجينة وتصير طرية وما بتلصق




و نسيبها شوي في الكيتشن ماشين تلف و هنلاحظ ان لونها بقي افتح



(3 دقائق علي اول سرعة-و 4 دقائق علي السرعة التانية)



نرش عليها رشة دقيق و هي بتتعجن علشان تلم معاي و يسهل اني اشيلها




كده خلاص العجين خلص



نخرجها من الكيتشن ماشين هنلاقيها بتخرج معانا بسهولة نلفها في كيس بلاستيك و نسيبها تريح في الثلاجة لمدة 4 ساعات



مهم جدا اسيبها تريح و مهم الوقت اللي هتريح فيه




بعد الاربع ساعات



محتاجين نشتغل في مكان بارد





نرش الاول دقيق علشان العجين ما يلزقش



و نفرد بالراحة بالنشابة



هنلاقي العجين بيتفرد معانا بكل سهولة



و مش بيمط



علشان مستريح



نفردها كبيرة اوي



و الطرف اللي هنااك ده اللي هيقفل علي العجين لما نلفها رول نرَفًعه جدا علشان يلزق



و طول ماحنا بنفرد العجين لو حسينا انها هتلزق نرش رشة دقيق و نكمل فرد



كده العجين جاهز للحشو


الحشو::



حشو قرفة او شوكولاته



1/4 كيلو زبدة طرية بدرجة حرارة الغرفة-250جرام



150 جرام سكر ابيض او بني-3/4 كوب



30 جرام قرفة او شوكولاته
(لو عايزة الحشو قرفة يبقي حطي قرفة و لو عايزة شوكولاته حطي شوكولاته)




نحط المكونات ديه كلها في الكيتشن ماشين لحد ما تنعم خاااالص

ونضيف علين كوب جوز مجروش

وكوب لوز مكسر محمص



قبل ما نحط الحشو ننظف العجين كويس من الدقيق بفرشاه



علشان الدقيق ده طبقة عازلة بين العجين و الحشو



وناخد الحشو من الكيتشن ماشين و نفردها علي العجين تماما ماعدا الطرف اللي قلنا عليه علشان ده الي هيلزق لما نقفل العجين علي بعض



و نبدأ نلف العجين علي شكل رول بالراااحة



في الاول الرول هيكون شكله عجيب لكن بعد كده هيتظبط معانا و يتلف كويس لا تقلقوا



و في الاخر هنلزق الطرف اللي قلنا عليه في الاول و نقفل بيه الرول



كده بقي عندنا ارتفاع تقريبا 6.5 سم



نقطعها بقي حلقات بعرض 5.5 سم


و نرص الرولز اللي عملناها في صاج مدهون مادة دهنية و نحطهم جنب بعض و نبططهم بإدينا بالراحة





احنا رصناهم قريبين من بعض علشان عايزينهم يخمروا لفوق مش من الجنب



و نغطيها بأكياس بلاستك او بالنايلون رول و نسيبها لحد ما تخمر و يتضاعف حجمها مرة و نص



(تقريبا من نص ساعة –لساعة)



علي حسب مكان التخمير اللي حطيتيها فيه



و نحطها في الفرن علي درجة حرارة 180مدة 20دقيقة







علي ما السينمن رولز تستوي نحضر التوبنج:



لو صوص ابيض:



150 جرام زبدة
150 جرام كريم تشيز


300 جرام سكر بودرة
كيس فانيليا
عصير 2 ليمونة و بشرهم



و ضربهم مع بعض في الكيتشن ماشين لحد ما يبقوا سايحين خالص كده














و لو صوص كراميل::
(حبيب قلبي)



200 جرام سكر(كوب كبير)نحطهم في طاسة علي النار و مع ملعقتين ماء و ادوب السكر في المايه و انا بقلب علي النار لحد ما يسيح السكر و يبقي لون ذهبي فاتح



احط فيهم كوب كبير بندق مجروش خشن و اسيبه شوي يتحمص معاه لحد ما يصل الكراميل للذهبي الغامق

اقوم حاطة عليه 1 كوب كبير فريش كريم و اقلب كويس


و تقريبا مقدار نصف كوب او اكثر شوي من الصوص الابيض اللي عملناه



و ده شكله بعد ما خلص خلاص و حط عليه الصوص اللي بالكراميل







مهم جدا جدا


اننا نحط الصوص علي السينابون و هو لسة خارج من الفرن


و احسن حاجة له انه يتاكل و هو دافئ


زي ما بناكله في المحل


اما لو برد


ممكن تسخنيه بالمايكروويف بيرجع متل ما كان



ممكن

اني بعد ما الف الرولز ارصها في صينية و اشيلها في الفريزر


و لما احب اكل سينابون او حد جايلي (ضيوف)اروح مطلعاها من قبلها بساعتين علشان علي ما تفك و تخمر و بعدين احطها في الفرن 35 دقيقة و كأني وقفت و خبزت من اول و جديد


بس علشان نحافظ علي نتيجة يكون طعمها حل


لازم لازم تتاكل و هي لسة خارجة من الفرن دافئة

وبالنسبة للصوص البيضا في طريقة تانية بس رهيييبة

اول شي منحط 200 غ زبدة مع 500غ كريم تشيز على النار لحد ما يتجانسو منضيف عليهم النستلة ونخلطهم

اما مقادير النستلة فهي

كوب حليب ناشف
كوب سكر
وتلات ارباع ماي

منحطن عالنار حتى يتجانسو ويتكاثفو

وبالهنا والشفا