عجينة البف باتيسري
المقادير
1 كيلو دقيق
20 جرام ملح
2عددعصير لمون
550مم ماء مثلج
1كيلو زبدة نعملها بلوك
الطريقة
طبعا لو عندك العجان
تحطي الدقيق والملح والميه عليها واحدة واحدة علي السرعة الاولي
علشان العجينة تقيله متقطمشي العجان
هتستخدمي العجان الحلزون
وفي الاخر تحطي الليمون
و4دقائق السرعة 2
العجينة لا تلصق في اليد
نغطيها ونريحها 1\2 ساعة
3دقائق سرعة 1
انا هقولكوا ازاي نعجنها باليد
نحط الدقيق علي الرخامة
اوفي طبق غويط
ونعمل في النص حفرة
ونحط فيها الماء والملح
ونبتدي ندخل الدقيق علي الماء شوية شوية مع الفرك باليد
نعجن العجينة كويس
وبعدين نلم العجينة ونغلفها ببلاستك او نغطيها
ونسيبها ترتاح 1\2 ساعة
وبعدين نجيب العجينة
نرش دقيق بسيط علي الرخامة
نحط العجينة
ونفردها من الاربع جوانب علي شكل
نجمة رباعية
ويكون الوسط بارز شوية
نحط عليه الزبدة طبعا تكون مثلجة
ونطبق الاطراف الاربعة علي شكل الظرف
ونبتدي نخبط عليها خبطات بالمردانة علشان نفرد الزبدة
لازم منستعجلشي ونتقل علي العجينة علشان الزبدة متخرجشي بره
نخبط بالمردانه لحد لما تتفرد شويه ونبتدي نفرد مستطيل طويل
نمسح بالفرشة الدقيق الزائد مهم جدا
ونبتدي نطوي العجينة زي الصور
ونفرد عكس الفرده الاولي
ونطبق تاني
ونعلم بصابعنا علي العجينة بعدد مرات الفرد
ونحطها في بلاستك وندخلها الثلاجة لمده ساعة
ونكرر خطوات الفرد السابقة
مش اقل من 6مرات
لان ده اللي بيعملنا الطبقات
نلاحظ الصورة دي بعد ما نطبق العجينة
نفرد بالاتجاة ده
احنا فردناها بالطول
نلف العجينة
المرة دي نفرد العرض
لو لقينا العجينة واحنا بنفردها بتلم مننا
ده معناه انها لسه عايزة ترتاح
نسيبها حوالي 10 دقائق زيادة
وبكده منكون خلصنا من عجينة البف باتيسري