تارت المانغو

المكونات
عشان نعمل 2 تارت بالحجم الكبير زى الصوره كده بظبط
400 جرام دقيق
125 جرام سكر بودره
1 بيضه
250 جرام زبده
معلقه فانيليا
3 حبه مانجو كبيره مقطعه اسلايز
الحشو هيكون عباره عن نصف كيلو لبن هنحط عليه نصف كوب سكر يغلى على النار وهكون مجهز 2 بيضه مخفوقه مع 2 معلقه نشا و1 باكو فانيليا وهخطهم على اللبن وهو بيغلى على النار وده هيكون الحشو اللى هنحشى بيه التارت
الطريقه
هنعجن الاول عجينه التارت بضرب الزبده مع السكر البودره بايدى لحد ما العجينه دى تهش معانا هحط البيضه والفانيليا وهقلب كويس وانزل بالدقيق عليهم هتعمل معايا عجينه متماسكه ولينه هفردها فى صينيه مدهونه زيت وهخرمها بشوكه وهدخلها الفرن على درجه حراره 170 لمده 15 دقيقه وبعد كده هخرجها من الفرن واسيبها تبرد وبعد كده هنحط الحشو بتاعنا اللى عملناه ونفرده كويس على التارت وبعد كده هنرص المانجه المتقطعه اسلايز بشكل جميل على التارت ونقدمه بالهنا