سينابون منال
السلآم عليكم
اخباركم حبيباتي عضوات المنتدى الامورآت ..
ادعولي ياحبيباتي بالحمل السليم المعافى لآني قبل كدا حملت ونزل بقضاء الله ولين داحين مآصار حمل
ولآ اعتراض على امر الله ..
حقدملكم طريقتي في خبز السينآمون وبصراحه مين مآ اكل منهآ يدوخ وهو يجري وراي عشان اعلمه على الطريقه
واليوم حبيت افيدكم وان شالله تدعولي عالنتيجه ..
المقادير وانصحكم تستعملوا اكواب وملآعق المكآييل بتطلع مضبوطه ان شالله:
3 أكواب ممسوحه دقيق منخول
3 ملآعق صغيره بكينغ بآودر
ملعقة كبيرة خميرة فورية ناعمة
3/4 ملعقة ملح
ربع كوب سكر ناعم الحبيبات
3 ملآعق كبيرة حليب بودره
بيضة كبيرة
نص ملعقة فانيلآ سائله
رشة هيل ناعم
ربع كوب زبده
3/4 كوب ماء دافي مو حار عشان مايقتل الخميرة
_______________________________
مقادير الحشو:
ربع كوب زبده لينة بحرارة الغرفه
ملعقتين كبيرة قرفة ناعمه جدآ
ملعقتين كبيرة كاكاو منخول
5 ملآعق كبيرة سكر بني ناعم
_______________________________
التغطيه :
حليب مركز مع قشطه
او شوكولاته مذابه
الطريقة :
ضعي الزبده في الماء الدافي لين تذوب
اخلطي المواد الجافه مع بعض ثم ضيفي الماء مع الزبده والبيضه والفانيلآ واعجني
وكل مآ طالت فترة العجن طلعت العجينة طريه وهشه طبعآ خلي جنبك شوي دقيق وضيفي للعجين
اذا المويه كانت زايده بس ان شالله اذا التزمتي بالمقادير حتطلع مره مزبوطه ..
رشي وجه العجين بشوي دقيق وغطيهآ واتركيها تخمر تقريبا ساعه او ساعه الا ربع لين تخمر ...
بعد مآتخمر العجين اقسميها نصين عشان تحشي كل قسم لوحده وتلفيه وتطلع الحبات صغيره
واذا تركتي العجينه بكاملها واشتغلتي فيها حتطلع الحبه كبيرة فإنتي ورغبتك سويها صغيره او كبيرة
حسب رغبتك ..
انا دايمآ بقسم العجين قسمين وبحشيهآ بعدين ..
بالنشابه افردي كل قسم وافردي الزبده على كآمل العجين ورشي السكر البني والقرفه والكاكاو ولفيها رول
وقطعيها وحطيها بالصينيه المدهونه بالزيت او الزبده واتركيها ترتاح ربع ساعه ...واخبزيها بفرن حرارته 200 درجه
لين تستوي ...
بس تطلع من الفرن غطيها بالصوص اللي تحبيه وبالعافيه
وحتطلع بهالشكل الحلو:
قبل ماتدخل الفرن