باي الجوز

مادري هذا الحلى ذقتونه ولا لا بس هذا دايم يطلبوه من عندنا الرجال من برا البيت ومن داخل البيت لأن طعمه ختيييييير بس سعرات الحراريه امممم يعني قطعه وحده تودي الرجيم في داهيه لازم بعدها شاي اخضر


يعني الي حاقده على وحده ضعيفه وتبها تمتن كل اسبوع تودي صينيه لها >>> مجرمه


طولتها وهي قصيره

المقادير والطريقه

العجينه

2 كوب طحين +1\4 ملعقة صغيره ملح +1\2 كوب زبده او سمنه سايحه نقريبا اصبع زبده سائحه +ملعقة كبيره ماء بارد

نضع المقادير الناشفه الطحين والملح وبعدها نضيف الزبده والماء ونفركهم عدل مدل




ونرصه في صينية الباي
بالعاده احنا نستخدم دائريه بس هون مسوينها كميه عشان تكفي ههههه >> ماقلت لكم مطلوبه



ونخليه على جنب ونعمل الحشوه


مقاديرها
1 كوب سكر +ملعقة كبيره طحين +4 بيضات +1 كوب سرب >> الجاهز الي نحطه فوق البان كيك
+2 ملعقة زبده سائحه +1 ملعقة صغيره فانيليا +1 كوب جوز الخشب واذا متوفر جوز بقان بيكون الذ اممممم
وهذي صوره السرب عشان الي مايعرفه


نخلط الجميع ماعدا الجوز





ونخلطهم عدل وبعدها نضيف الجوز ونخلطهم




وبعدها نضعهم على العجينه





ندخلها فرن مسخن مسبقا على حرارة 350
تاخذ تقريبا 40 دقيقه الى 35 دقيقه

نخليها تبرد وتقطع هني وعافيه




وهون معموله بقالب الميني تارت شكلها يطلع نايس وبدل الجوز محشيه حبة كاجو





ان شاء الله وفقت الى موضوع تستفيدون منه وتضيفون طبق الى اطباقكم الرائعه
ولا تنسكوني من دعائكم لي