الهريسة الحلبية عاصولها

[rtl]الهريسة الحلبية على اصولها[/rtl]
















[rtl]البسبوسة بيكون فوامها متل الكيك ومنضيف معها اما بيض او طحين اما الهريسة فقط من السميد 
المقادير بالميزان : نصف كيلو سميد خشن ( ٥٠٠ غرام ) + ٣٠٠ غرام سكر + ٣٥٠ غرام ماء + نصف ملعقة صغيرة ممسوحة كربونات + ملعقتين كبار ماء الزهر
 المقادير بالاكواب القياسية : ٣ كاسات سميد خشن + كاسة ونصف سكر + كاسة ونصف مي + نصف ملعقة صغيرة ممسوحة كربونات + ملعقتين كبار ماء الزهر 
القطر : نص ليتر قطر مع  ٢٥غرام سمنة يعني كوبين سكر مع كوب ماء وملعقة صغيرة عصير ليمون بتخلطيها مع بعض وبتحطيها عالنار وبتغليها ٨ دقائق فقط وبعدها بتضيفيلها ملعقتين سمنة  وبتحركيها 
الطريقة :  ١) بالأول بتخلطي السميد مع الكربونات  وبعدها بوعاء اخر بتحطي كاسة ونصف سكر مع كاسة ونصف مي وبتحطيها  عالنار لحتى يدوب السكر ويغلي وبعدها بترفعيها مباشرة وبتصبيها فوق السميد    وماء الزهر وامزجيها منيح ورح تشوفي انه العجينة رخوة وهادا شي طبيعي لانه السميد رح يتشرب السائل وبتغطيها وبتتركيها بحرارة المطبخ لمدة ١٢ ساعة وانا امبارح بالليل نقعت السميد مع القطر واليوم خبزتها يعني ضروري تتركيها ترتاح ١٢ ساعة وأنتبهي من عيار الكربونات ما تستعملي كمية كبيرة 
الطريقة :٢)  وبعد ما ارتاحت العجينة وتفتحت حبة السميد بعد مرور ١٢ ساعة بتدهني صينية حجمها وسط او صينية دائرية قياسها ٣٠ سم مو اكبر من هيك انا استعملت صينية مستطيلة قياس ٣٣ب ٢٣ سم بس حسيت انه الصينية كبيرة على عيار نص كيلو لذلك الأفضل تستعملو صينية بقياس اللي خبرتكن عنه وبتدهني الصينية بالسمنة اللينة وبعدها بتمدي خليط الهريسة ورح تلاحظي انه الخليط صار سميك وهادا طبيعي لانه حبة السميد تفتحت وتسربت كل السوائل وبتمديها بالصينية منيح وخلي سطحها متساوي واملس وبعدها بتدهني سطح الهريسة بملعققتين قطر بارد
 الطريقة :٣)  منخبزها بفرن حامي مسبقا على حرارة ٢٠٠ او ٢١٠ حسب حرارة فرنك وانا استعملت فرن كهربا وبتحطيها بالفرن وعلى الرف الأوسط وبعد مرور ١٠ دقائق بتطالعيها من الفرن وبتقطعيها وبتزيني سطحها بالمكسرات  وحاولي تضغطي على المكسرات شوي لحتى تلزق بسطح الهريسة و بترجعيها عال فرن لحتى تستوي ويحمر الأطراف والسطح  وانا أخدت معي حوالي ٤٥ دقيقة وبعدها بتطالعيها من الفرن وبتصبي عليها القطر الساخن واللي دوبنا فيو السمن وانا لهالمقدار استعملت كل كمية القطر اللي ذكرتها بالمقادير وانتي يمكن تشوفي انه كمية القطر كبيرة بس لاء مو كتيرة لانه الهريسة رح تتشربها واتركيها ساعتين او تلاتة او اربع المهم انها لازم تبرد منيح قبل ما تقطيعها وصحتين وعوافي
ملاحظة  : مقدار الكربونات بهالعيار لازم تكون ربع ملعقة صغيرة او نص ملعقة صغيرة مو اكتر من هيك لانه ما رح تطلع طيبة وممكن تضيفو للخليط السميد ربع كوب حليب بودرة بيعطيها طعمة طيبة وممكن تحطي معها ملعقة صغيرة قرفة بس انا ما حطيت قرفة لحتى تلون الهريسة ما تتغير بس فيكي تعملو الهريسة طبقتين وتحطي بينها قرفة ___ nazly hamid hasan---------ملاحظة ٢): ممكن تستغني عن الكربونات بس لازم وقتها تتركيها ترتاح مدة١٦ او ١٨ ساعة بس انا استعملت الكربونات وحطيت نص ملعقة صغيرة ممسوحة-----ملاحظة :٣) ممكن تستعملو مع خليط السميد ربع  كاسة حليب بودرة-------ملاحظة :٤) ممكن تقليل كمية السمن بالقطر واستعملي فقط ربع كاسة سمنة ----- ملاحظة : 5) ندهن سطح العريسة بالقطر قبل الخبز لعدة اسباب وهي انه ميشان ما تنشف سطح الهريسة وتصير قاسية بعد الخبز وكمان ميشان تلزق عليها المكسرات والسبب الاخير بيعطي لون حلو للهريسة بعد الخبز والسمنة انا حطيتها بالقطر اللي بدي اسقي فيها الهريسة ......[/rtl]