عجينة البيتزا المميزة على طريقة فاتن هشة من جوا ومقرمشة من برا

عجينة البيتزا
كيلو طحين ابيض
ملعقة خميرة
ملعقة صغيرة بيكنغ باودر
ملح
رشة سكر
بيضة
كوب حليب بودرة
رشة فانيليا
نص كوب زيت زيتون 
كوبين مي (والافضل كوب لبن زبادي وكوب ماي)
ويمكن تحتاج اقل حسب نوع الطحين اول شي حطي كوب وانت وعم تعجني حطي من الكوب التاني شوي شوي حتى تلم العجينة معك وما تعود قاسية ولا تلزق بالايد وبتخليها تخمر شي ساعة ونص حسب الحرارة لتتضاعف وبتستعمليها
الصوص بصلتين مفرومين ناعم منقلبن ليدبلو مع تلات حصوص توم مدقوقين منضيف علين كيلو بندورة مفرومين ناعم وقنينة كتشاب صغيرة وملح وبهار بيتزا ملعقة  وزعتر مع سماق ملعقة كبيرة الي مناكلو بزيت ومنخليهن يعقدو ومنعبين بمراطبين هيدي الصوص مندهن العجينة فيها من بعد ما تتخمر طبعا العجينة بس اقطعيها وبدك تفرديها حطي تحت طحين اصفر او سميد ناعم يعني طحين فرخة ورقيها علين وبارض الصنية كمان رشي طحين درة اصفر او سميد ناعم بيعطيها قرمشة كتير طيبة ووزعي الصوص عليها وفطر ودرة وفليفلة شرايح ملونة وبصل شاريح رفيعة وزيتون اسود وفيك تضيفي سجق او لحمة مفرومة او دجاج مقلى بكاري او مرتديلا او ربيان بالزبدة او بس تكتفي بالخضروات مع جبنة كشكلة من قشقوان وموزوريلا وشدر وبتحطيها بالفرن وما تحموي وجها اطيب فيك اد ما بدك تتحكمي بسماكتها وصحة وهنا